काठमाडौं– सत्यराज चौलागाई निर्देशित फिल्म ‘बिच्छेद’ले ‘दादासाहेब फाल्के चित्रनगरी (फिल्म सिटी) २०२४’ मा सर्वोत्कृष्ट फिचर फिल्मको अवार्ड जितेको छ ।

मुम्बईको चिन्ता टावरस्थित गत शनिबार सम्पन्न भएको कार्यक्रममा फिल्मको निर्मात्री सावित्री बज्राचार्य अवार्ड ग्रहण गरेकी हुन् । उनले अवार्ड प्रदान गरेकामा खुसी व्यक्त गर्दै सामाजिक सञ्जालमार्फत आयोजकलाई धन्यवाद दिएकी छन् ।

यो फिल्मले गत साता रामेछापमा सम्पन्न ‘तेस्रो नेपाल ग्रामीण चलचित्र महोत्सव- २०८०’मा  सर्वोत्कृष्ट फिल्म जुरी अवार्डसमेत जितेको थियो ।

यस फिल्ममा अभिनेता मुकुन भुसाल र अभिनेतृ लक्ष्मी बर्देवाको मुख्य भूमिका रहेको  छ । सामाजिक विषयमा बनेको यस फिल्मको निर्मातामा राज कुमार पण्डित, दिमेश श्रेष्ठ, सुवास राई र सावित्री बज्राचार्य छन् भने सह-निर्मातामा सन्तोस गिरी र प्रविन राजथला छन् ।