काठमाडौं– नेकपा एमालेको हिरक महोत्सवमा नेकपा एकीकृत समाजवादीका अध्यक्ष माधव नेपाल सहभागी नहुने भएका छन् ।
उनको सचिवालयका अनुसार नेपाल एमालेको कार्यक्रममा गोदावारी जाने कुनै जानकारी छैन ।
सचिवालयले भन्यो, ‘हाम्रो सेडयुलमा छैन ।’
एमाले उपाध्यक्ष ईश्वर पोख्रेलका अनुसार एकीकृत समाजवादीका सम्मानित नेता झलनाथ खनाल भने कार्यक्रममा पुगिसकेका छन् ।
यस्तै, मन्त्रीपरिषद् बैठक सकेर प्रधानमन्त्री पुष्पकमल दाहाल पनि हिरक महोत्सवमा हिँडिसकेका छन् ।
नेकपा स्थापनाको ७५ वर्ष पूरा भएको अवसरमा ललितपुरस्थित गोदावरीको सनराज हलमा हिरक महोत्सवको विशेष समारोह आयोजना गरिएको छ ।
तत्कालीन मन्त्रिपरिषद्का अध्यक्ष खिलराज रेग्मी, जसपा अध्यक्ष तथा उपप्रधानमन्त्री उपेन्द्र यादव, पूर्व प्रधानमन्त्री र अन्य पार्टी प्रमुख पनि कार्यक्रममा सहभागी छन् । बाबुराम भट्टराई पनि पुगिसकेका छन् ।
सत्ता साझेदार दल भए पनि एकीकृत समाजवादीले एमालेको कार्यक्रम बहिस्कार गरेको बुझिएको छ ।
एमाले अध्यक्ष ओली र माधव नेपालको सम्बन्ध राम्रो नभएका कारण नेपाले कार्यक्रम नै बहिस्कार गरेको बुझिएको छ ।
याे पनि …
प्रतिक्रिया