काठमाडौं–सर्लाहीका उखु किसानको पीडालाई समेटेर नागरिक दैनिकले मुख्य समाचार छापेको छ । २०७३ सालमा खेती गरेको उखुको २०७५ साल बित्न लाग्दासमेत सरकारी अनुदानबापतकै भुक्तानी नपाएपछि किसान सडकमा उत्रिएका छन् । उनीहरुले (हिजो)सोमबार पूर्वपश्चिम राजमार्गअन्तर्गत हरिवनमा सर्लाही, महोत्तरी र रौतहट गरी ३ जिल्लाका किसानले उखुको लाँक्रे जुलुस प्रदर्शन गरे ।

घूस प्रकरणपछि राजीनामा दिएका अख्तियारका आयुक्त राजनारायण पाठकलाई मुद्दा चलाउन महान्याधीवक्ताको कार्यालयले राय दिएको छ ।

महान्याधिवक्ताको कार्यालयले अख्तियारको आफ्नै ऐनमा पनि अनुसन्धान गरी भ्रष्टाचार गरेको देखिएमा मुद्दा दर्ता गरी कारबाही गर्न सक्ने व्यवस्था भएकाले त्यसै अनुसार अघि बढ्न सुझाव दिएको हो ।

त्यस्तै समायोजित कर्मचारीमध्ये अधिकांश संघमा पुगेको, लाइसेन्स वितरण प्रदेशस्तरमा लैजाने तयारी थालिएको, भाटभटेनिले टिचिङमा अर्को भवन बनाइदिने भएकोलगायतका समाचार छापेको छ ।