झापा- चौथो राष्ट्रिय सामुदायिक वन दिवसको अवसरमा झापामा उत्कृष्ट निजी तथा सामुदायिक वनलाई सम्मान गरिएको छ ।

मेचीनगरस्थित कालिका सामुदायिक वनमा आयोजित कार्यक्रममा जिल्लामै निजी वनतर्फ प्रथम हुने लक्ष्मी योञ्जन लामा, द्वितीय डिल्लीराम शिवाकाटी र तृतीय हुने कर्णखर चौलागाइंलाई क्रमशः रु २५ हजार, रु १५ हजार र रु १० हजार नगदले सम्मान गरिएको थियो ।

यसैगरी, सामुदायिकतर्फ प्रथम हुने आदर्श नमूना सामुदायिक वन, द्वितीय हुने दुर्गाभिट्टा सामुदायिक वन र तृतीय हुने शनि सामुदायिक वनलाई क्रमशः रु छ हजार, पाँच हजार र तीन हजारका दरले सम्मान गरिएको थियो ।

उनीहरुलाई कार्यक्रमका प्रमुख अतिथि प्रदेश नं १ का सांसद गोपालचन्द्र बुढाथोकीले सम्मान गरेका थिए । थियो ।

सामुदायिक वन महासङ्घ र डिभिजन वन कार्यालय झापाको संयुक्त आयोजनामा भएको कार्यक्रममा वृक्षरोपणसमेत गरिएको डिभिजन वन कार्यालयका प्रमुख विष्णुलाल घिमिरेले बताए ।