यङ्गून– म्यानमारमा भारी वर्षासँगै पहिरो जाँदा कम्तीमा १७ जनाको मृत्यु भएको छ ।
दक्षिणी म्यानमारको मोन राज्यमा गएको पहिरोमा अरु दर्जनौं घाइते भएका छन् । घटनामा अन्य कैयौं हराइरहेको अधिकारीहरुले जनाएका छन् ।
मोन राज्यको थाफ्यू कोने गाउँमा गएको पहिरोमा ५ महिला तथा ५ पुरुषको मृत्यु भएको पुष्टि भएपनि बाँकीको पहिचान हुन नसकेको बताइएको छ ।
हराइरहेकाहरुको खोजी कार्यका लागि ठूलो सङ्ख्यामा उद्धारकर्मीहरु परिचालन गरिएको छ ।
त्यस्तै, घाइते हुनेहरुमध्ये केहीको अवस्था गम्भीर रहेकाले मृतकको सङ्ख्या बढ्न सक्ने आँकलन गरिएको छ ।
प्रतिक्रिया