काठमाडौं – इंग्लिस प्रिमियर लिगको नयाँ सिजनका खेल शुक्रबारबाट शुरु हुने भएको छ। प्रिमियर लिगको पहिलो खेलमा लिभरपुल र नर्विच सिटीले प्रतिस्पर्धा गर्दैछन्।

प्रिमियर लिगको पहिलो खेल लिभरपुलको घरेलु मैदान एनफिल्डमा हुँदैछ। नयाँ सिजनको शुरुवात दुवै टोलीले शुखद् बनाउने लक्ष्य बनाएका छन्। नर्विचभन्दा तुलनात्मक रुपमा बलियो लिभरपुल सहज जीतको खोजिमा हुनेछ भने नर्विच पनि लिभरपुलसँग अंक बाड्ने लक्ष्यमा छ।

सिजनको उद्घाटन खेलमा प्रतिस्पर्धा गर्न लागेको लिभरपुलका प्रशिक्षक योर्गन क्लोपले विपक्षी कमजोर भएपनि सम्हालियर खेल्नु पर्ने बताएका छन्।
उनले नर्विचप्रति आफ्नो सम्मान रहेको बताउँदै उससँग टिमले संगठित भएर नखेल्दा पराजित हुन सक्ने बताएका छन्।

गत बर्ष लिभरपुललाई म्यान्चेस्टर सिटीले प्रिमियर लिग उपाधि उचाल्नबाट विमुख गराएको थियो भने यो सिजनमा उत्कृष्ट शुरुवात गर्ने प्रशिक्षकको दावि छ।