काठमाडौं– सडकमा गीत गाएर जीविकोपार्जन गर्दा काठमाडौं महानगरले अवरोध सिर्जना गरेको भन्दै दृष्टिविहीन अपाङ्गता भएका व्यक्तिहरूले विरोध जनाएका छन् ।

दृष्टिविहीन आमा घर सामाजिक संस्थाको अगुवाइमा उनीहरूले आफूहरूलाई सहज रूपमा जीविकोपार्जन गर्ने वातावरण सिर्जना गर्नुपर्ने र महानगरले सहजीकरण गर्नुपर्ने भन्दै बुधबार काठमाडौंको शान्तिबाटीका क्षेत्रमा विरोध जनाएका हुन् ।

सडकमा गीत गाउँदा आफूहरूको माइक स्पिकर महानगरले खोजेको उनीहरूले गुनासो गरेका छन् । उनीहरूले दृष्टिविहीन अपाङ्गता भएका व्यक्तिमाथि ज्यादती गर्न पाइँदैन, स्वरोजगारको व्यवस्था गर, दृष्टिविहीन अपाङ्गता भत्ता वृद्धि गर लगायतका प्लेकार्ड प्रदर्शन गरेका थिए ।

साथै उनीहरूले दृष्टिविहीन व्यक्तिहरूको हक अधिकार हनन गर्न नहुने, स्वास्थ्य, शिक्षा र रोजगारको व्यवस्था गर्नुपर्ने लगायतका माग समेत राखेका छन् ।

तस्बिरहरु : 

तस्बिर : नेपाल फोटो लाइब्रेरी