दोलखा – रक्तदान नै जीवन दान भन्ने उदेश्य सहित ६७ औँ राष्ट्रिय सहकारी दिवसको अवसर पारेर जनसचेतन बचत तथा ऋण सहकारी संस्थाले खुल्ला रक्तदान कार्यक्रम आयोजना गरेको छ ।

जनसचेतन बचत तथा ऋण सहकारी संस्थाको आयोजना तथा नेपाल रेडक्रस सोसाईटी, जिल्ला शाखा दोलखाको सहकार्यमा संस्थाको मुख्य कार्यालय बैतेश्वर ५ मैनापोखरीमा सम्पन्न भएको थियो ।

रक्क्तदान कार्यक्रममा बैतेश्वर आसपासका ३९ जना पुरुष र १३ जना महिलाले रक्क्तदान गरेको संस्थाका लेखा तथा प्रशासन अधिकृत नविन्द्र रिमाले जानकारी दिए । यस संस्थाले गत बर्षहरुमा पनि रक्क्तदान तथा सामाजिक उत्तरदायित्वको क्षेत्रमा सचेतनामुलक कार्यक्रम गर्दै आएको छ ।

रक्तदान कार्यक्रममा बैतेश्वर गाउँपालिका वडा नं ३ का वडा अध्यक्ष कमल अधिकारीले २९ औँ पटक रक्तदान गरेको बताए । रक्तदान कार्यक्रम संस्थाका लेखा सुपरिवेक्षण समितिका संयोजक मिन प्रसाद दाहालको अध्यक्षता तथा बैतेश्वर गाउँपालिकाको अध्यक्ष छवि लामाको प्रमुख आतित्थ्यतामा सम्पन्न भएको हो ।

रक्तदान कार्यक्रममा नेपाल रेडक्रस सोसाईटी दोलखाका सभापति इश्वरी प्रसाद दहाल, बैतेश्वर गाउँपालिकाका अध्यक्ष छवि लामा, बैतेश्वर गाउँपालिकाका वडाध्यक्षहरु कमल अधिकारी, कुमार चौलागाई, भुवन धिमीरे, शान्त जिरेल लगायतको उपस्थित रहेको थियो ।