फल प्राकृतिक तवरले विस्तारै पाक्छ । तर पनि धेरैले पाक्न लागेको फल एकै पटक पकाउन रसायनहरुको प्रयोग गर्छन् ।

विषेशगरी व्यापारिक प्रयोजनका लागि फलफूललाई रसायनको प्रयोग गरेर पकाउने चलन छ । यसरी फलफूल पकाउँदा धेरै क्याल्सियम कार्वाइड रसायनको प्रयोग भएमा यसले मानव स्वास्थ्यमा गम्भीर असर पुर्‍याउँछ ।

क्याल्सियम कार्वाइड रसायनबाट उत्पन्न हुने इसिटिलिन ग्याँस स्टील धातु वेल्डिङ गर्न प्रयोग गरिन्छ । यो ग्याँसले मानिसमा क्यान्सर हुनसक्ने चिकित्सकहरु बताउँछन् ।

फलफूललाई पकाउन क्याल्सियम कार्वाइडको प्रयोग गरेमा त्यस्ता फलफूलले शरीरलाई फाइदा भन्दा पनि वेफाइदा बढी गर्छ ।

रसायन मिसाएर पठाएको फलफूलले हुने असर

– मुखमा अल्सर हुने,

– आमाशय पोल्ने,

– आमाशयमा चिडचिडापन हुने,

–पेट दुख्ने,

– झाडापखाला लाग्ने समस्या हुन्छ ।

क्याल्सियम कार्बाइड रसायनको प्रयोगबाट पकाइएका फलहरु आँप, केरा, मेवा आदि हुन् । रसायनीक पदार्थ हालेर पकाइएको फलफूलले टाउको दुख्ने, रिङ्गाटा लाग्ने, निद्रा लागिरहने तथा मानसिक रोग तथा समस्या आउन सक्छ ।