पोसिलो खानेकुरा मध्यको एक हो चना । यसमा प्रोटिन, फाइबर, तथा भिटामिनहरु प्रशस्त मात्रामा पाइन्छ ।

जसको निरन्तर सेवनले शरीरलाई स्वस्थ राख्ने मात्र होइन, रोग प्रतिरोधक क्षेमता समेत बढाउँछ । यहाँ हामीले हरेक विहान भिजाएको चना खाँदा के फाइदा पुग्छ भन्ने कुरा उल्लेख गरेका छौं ।

के छन् त चना खानुका फाइदा ? 

– भिजाएको चनामा फाइबर पर्याप्त मात्रामा पाइने हुँदा यसले पाचन प्रक्रियालाई समेत सन्तुलित बनाउँछ । कब्जियतको समस्या छ भने पनि यसले सहज बनाउँछ ।

– राति भिजाएर राखेको चना विहान सेवन गर्नाले शरिरमा उर्जा बढाउँछ र कमजोरीपना समेत हटाउँछ ।

– तपाईंको छालालाई स्वस्थ राख्नका लागि पनि भिजाएको चना नियमित रुपमा सेवन गर्नु आवश्यक छ ।

– भिजाएको चनाले प्रजनन क्षमता तथा शुक्रकिटको गुणस्तर तथा संख्या समेत बढाउँदछ ।

– चनामा फस्फोरस लवण पाइने हुँदा यसले रगतमा हेमोग्लोबिनको मात्रा बढाउँदछ । यसले मृगौला लाईसमेत स्वस्थ राख्न सहयोग गर्दछ ।

– चनाले रगतमा कोलेस्ट्रोलको मात्रा नियन्त्रण गरी मुटुलाई स्वस्थ राख्न पनि मद्धत गर्छ ।

– भिजाएको चनाको सेवनले शरिरमा रोगप्रतिरोधक क्षमता बढाउनुका साथै रुघाखोकीको समस्या समेत कम गर्छ ।