काठमाडौं– पूर्व राजा ज्ञानेन्द्र शाह शुक्रवार थाइल्याण्ड जाने भएका छन् ।

पूर्व राजा शाह शुक्रवार दिउँसो साढे एक बजे थाइएयरवेजको विमान मार्फत थाइल्याण्ड प्रस्थान गर्न लागेका हुन् । उनको साथमा स्वकीय सचिव सागर तिमिल्सिना पनि त्यसतर्फ प्रस्थान गर्दै छन् ।

गत बुधबार पूर्व युवराज्ञी हिमानी शाह र छोरी पूर्णिका थाइल्याण्ड गएका थिए ।

नातिनी पूर्णिकाको अध्ययन र भर्नाका लागि पूर्व राजपरिवारका सदस्यहरु थाइल्याण्ड जान लागेको ज्ञानेन्द्रको सचिवालयले जनाएको छ ।

पूर्व रानी कोमल पनि अर्को साता थाइल्याण्ड जाने कार्यक्रम रहेको छ ।

केही दिनको थाइल्याण्ड बसाइपछि पूर्व राजपरिवारका सदस्यहरु अर्को देश तर्फ प्रस्थान गर्ने कार्यक्रम रहेको छ । तर कुन देश जाने भन्ने खुलाइएको छैन ।