धनकुटा– ग्याँस लोड गर्दैगरेका चालकको पिकअप भ्यानको ठक्करबाट मृत्यु भएको छ। 

धनकुटा नगरपालिका–६ स्थित कोल्डस्टोरमा बिहीबार पिकअप भ्यानले ट्रकलाई ठक्कर दिँदा ग्याँस लोड गर्दैगरेका ट्रक चालकको मृत्यु भएको हो।

मृत्यु हुनेमा सिराहाको गोलबजार घर भइ धनकुटा–९ स्थित गुठिटार बस्ने ३० वर्षीय निरज ठकुरी रहेको जिल्ला प्रहरी कार्यालय धनकुटाले जनाएको छ। 

विहीवार दिउँसो करिव साढे १ बजे सिधुवाबाट धनकुटा आउँदै गरेको बाप्र०१–०२६ च ८९९२ नम्बरको पिकअपले सडकमा रोकेर ग्यास लोड गर्दैगरेको बाप्र ०१–००६ ख ४६५२ नम्बरको ट्रकलाई ठक्कर दिँदा ग्याँस लोड गर्दैगरेका चालकको घटनास्थलमै मृत्यु भएको प्रहरीले जनाएको छ। 

दुर्घटनापछि पिकअप चालक धादिङको सिद्धलेख गाउँपालिका–३ का ३८ वर्षीय चेतबहादुर विशुँखे र पिकअपलाई प्रहरीले नियन्त्रणमा लिएको जनाएको छ।