एजेन्सी– जम्मू कश्मीरबाट आर्टिकल ३७० हटाएको विरोधमा पाकिस्तानले भारतसँगको कारबार स्थगित गर्ने फैसला गरेको थियो ।

पाकिस्तानले यो फैसला गर्दै विरोध जनाएको थियो तर यसले भारतलाई भन्दा बढी पाकिस्तानलाईनै घाटा पुगेको छ ।

पाकिस्तानमाथि भारतको निर्भरता निकै कम रहेको छ । तर पाकिस्तानमा भने धेरै वस्तु भारतबाट निर्यात हुने गरेको छ ।

पाकिस्तान प्याज, टमाटर जस्ता खाद्य बस्तुका अलावा केमिकल्समा भारतमाथि निर्भर छ । पाकिस्तानले भारसँगको व्यापार रोक्ने निर्णय गरेसँगै यसमा पनि प्रभाव परेको छ । जसका कारण भारतलाई भन्दा पाकिस्तानलाई यसले असर गरेको छ ।

फेडरेसन अफ इन्डिया एक्सपोर्ट अर्गनाइजेशनका अनुसार कारोबार निलम्बनले भारतको सट्टा पाकिस्तानलाई धेरै प्रभाव पारेको छ किनकी पाकिस्तान भारतमा धेरै मात्रामा निर्भर छ ।

पाकिस्तानले भारतसँगको कारोबार रोकेसँगै पाकिस्तानमा प्याज र टमाटरको मूल्य बढेको भारतीय सञ्चारमाध्यमहरुको दाबी छ ।