काठमाडौं – सरुवा बजार बन्द हुन केही दिनमात्रै बाँकी रहँदा ब्राजिल तथा पेरिस सेन्ट जर्मेन (पीएसजी) का स्टार खेलाडी नेयमारमाथि रियल मड्रिडले रुचि देखाएको छ । लामो समयदेखि स्पेनकै अर्को क्लब तथा नेयमारको पूर्व क्लब बार्सिलोना जाने हल्लाका बीच नेयमारका लागि रियल मड्रियले प्रस्ताव ल्याएको कुरा सार्वजनिक भएको छ ।

नेयमारलाई रियलले क्लबमा भित्र्याउने प्रस्ताव राख्दा रियलले लुका मोड्रिकलाई पीएसजीलाई दिने पनि प्रस्ताव गरेको छ ।

रियलले लुका मोड्रिकसँगै नेयमारका लागि १ सय १० मिलियन पाउण्ड दिने घोषणा गरेको डेली मेलले उल्लेख गरेको छ । गएको सिजनमा आफ्ना स्टार खेलाडी क्रिष्टियानो रोनाल्डोलाई युभेन्ट्स पठाएको रियल उनको स्थानमा ओगट्न सक्ने खेलाडीको खोजिमा छ ।

सेप्टेम्बर २ मा स्पेनिस सरुवा बजार बन्द हुन अगाडि नै सियल नेयमारलाई भित्र्याउने योजनामा रहेको उल्लेख गरिहएको छ । अघिल्लो बर्षका बालोन डीआर विजेता लुका मोड्रिकले रियललाई ४ पटकको च्याम्पियन्स लिग उपाधि उचाल्न योगदान गरेका थिए । तर, उनै मोड्रिकलाई नेयमारसँगको सौदाबाजीमा लगाइएको छ ।

सन् २०१७ मा बार्सिलोनाबाट कीर्तिमानी ११८ पाउण्डमा पीएसजीमा अनुबन्ध भएका थिए । जुन अहिलेसम्म पनि सरुवा बजारको कीर्तिमानी मूल्य नै हो । नेयमारले पीएसजीका लागि खेलेका ५८ खेलमा ५१ गोल गरेका छन् भने २९ गोलका अवसर सिर्जना गरेका छन् ।