काठमाडौं– ऊर्जा, जलस्रोत तथा सिँचाइ मन्त्री वर्षमान पुनले जनताको जलविद्युत् आयोजना मार्फत हरेक नेपालीले फाइदा लिनसक्ने गरी कार्यक्रम अघि बढाइएको बताएका छन् ।

सोमबार प्रतिनिधिसभा बैठकमा संसदले उठाएका प्रश्नको जवाफ दिँदै मन्त्री पुनले ३५ सय मेघावाट जनताको लगानीका लागि छुट्याएको भन्दै राम्रा आयोजनामा जनताको लगानी गरिने बताए ।

नेपाल विद्युतमा आत्मनिर्भर हुने धरै दिन बाँकी नरहेको भन्दै बढी भएको विद्युत छिमेकी राष्ट्रमा बिक्रि गरिने जानकारी दिए । उनले जीमआरको विषयमा सरकारले उपयुक्त निर्णय गर्ने जानकारी दिए ।

आगामी तीन वर्षमा तीन हजार मेघावाट विद्युुत आउने गरी निर्माण कार्य अघि बढिरहेको भन्दै उनले १५ हजार मेघावाट विद्युत निकाल्न सरकारले दिर्घकालीन सोचबाट काम गरिरहरको जानकारी दिए ।

मन्त्री पुनले अन्तरदेशीय प्रसारण लाइनमार्फत उत्तर र दक्षिणका दुवै छिमेकीसँग ऊर्जा सहकार्यसम्बन्धी सम्झौता गरेर दक्षिण एशियामा चाहेको समयमा बिक्री गर्ने र आयात गर्ने वातावरण बनाउने गरी अगाडि बढाइएको भन्दै विद्युत क्षेत्रको विकासका लागी प्रतिवद्ध भएर काम गरिरहेको जानकारी दिए ।