काठमाडौं– युट्युबमा विभिन्न किसिमका फन्डा गर्दै भाइरल बनेकी शर्मिला वाइबालाई थप दुई दिन हिरासतमा राखेर अनुसन्धान गर्न प्रहरीले अनुमति पाएको छ ।

काठमाडौं जिल्ला अदालतले अनुसन्धानका लागि सातौँ पटक म्याद थप गरेको सूचना अधिकारी चन्द्रप्रसाद पन्थीले खबरहबलाई जानकारी दिए ।

उनले भने, ‘वाइबामाथि अंगभंगको कसुरमा फेरि हिरासतमा राख्न अनुमति दिइएको हो ।’

हास्य कलाकार पवन खतिवडालाई ‘म्याकुरी’ले वाइबाले कुटपिट गरेको भन्दै महाराजगञ्ज प्रहरी वृतमा उजुरी दिएसँगै उनलाई फागुन १६ गते पक्राउ गरिएको थियो । वाइबालाई सिन्धुपाल्चोकबाट पक्राउ गरी काठमाडौं ल्याएको थियो । 

घरायसी विवादमा वाइबाले हस्तक्षेप गर्दै आक्रमण गरेको खतिवडाको आरोप छ ।