काठमाडौं– सत्तारुढ नेकपा माओवादी केन्द्रले चैतको दोस्रो साता सम्म सञ्चालन गर्ने भनिएको मधेस जागरण अभियान स्थगित गरेको छ । भारतमा लोकसभाको चुनाव आउन लागेका कारण माओवादीले मधेस जागरण अभियान हाललाई स्थगित गरेको हो ।

माओवादी केन्द्रले चैत १ देखि १५ गतेसम्म मधेस जागरण कार्यक्रम गर्ने घोषणा गरेको थियो । यसक्रममा हुलाकी राजमार्गमा केन्द्रित रहेर अभियान चलाइने उसले बताएको थियो ।

मंगलबार बसेको माओवादीको केन्द्रीय पदाधिकारी बैठकले हाललाई यो अभियान स्थगित गर्ने निर्णय गएको एक पदाधिकारीले खबरहबलाई बताए । उनका अनुसार भारतमा लोकसभा चुनाव हुन लागेकाले यो अभियान स्थगन गरिएको हो ।

भारतमा आगामी बैशाख ७ गतेदेखि लोकसभाको चुनाव हुँदैछ ।