काठमाडौं – अन्तर्राष्ट्रिय क्रिकेट काउन्सिल (आइसिसी) अध्यक्ष ग्रेग बार्क नेपाल भ्रमणका लागि आएका छन्।

सोमबार भारतको राजधानी नयाँ दिल्लीबाट नेपाल आइपुगेका बार्कलाई त्रिभुवन अन्तर्राष्ट्रिय विमानस्थलमा नेपाल क्रिकेट सङ्घ (क्यान) का उपाध्यक्ष रोशन सिंह र सचिव पारस खड्कालगायतले स्वागत गरे। बार्क तीन दिन नेपालमा रहनेछन्।

विमानस्थलमा पत्रकारसँग कुरा गर्दै उनले नेपालको क्रिकेट विकासमा सहयोग गर्ने बताएका हुन्। उनले भ्रणमा नेपाली क्रिकेटको संरचनाबारे निरीक्षण गर्ने जानकारी दिए्। अध्यक्ष बार्कले कीर्तिपुरस्थित त्रिवि र मूलपानी क्रिकेट मैदानको अवलोकन गर्ने र शीर्ष राजनीतिक नेतृत्वसँग भेट गर्ने कार्यक्रम छ।

विमानस्थलमा पत्रकारसँगको कुराकानीमा उनले नेपाली क्रिकेटको भविष्य राम्रो रहेको धारणा व्यक्त गरेका छन्। नेपाल भ्रमणमा बार्कलेल प्रधानमन्त्री, अर्थमन्त्री र युवा तथा खेलकुद मन्त्रीसँग क्रिकेटलाई सहयोग, आर्थिक पक्षका अवसर तथा खेलकुद नीतिबारे छलफल गर्नेछन्।

बार्क सन् २०२० मा आइसिसीको अध्यक्ष बनेका हुन्।