काठमाडौं – पानी परेपछि ५ ओभरमा रोकिएर पुनः सुरु भएको त्रिकोणात्मक टी-२० आई सिरिज अन्तर्गत नेपाल र हङकङबीचको खेल फेरि रोकिएको छ ।
टस हारेर पहिला ब्याटिङ गरिरहेको हङकङले ५ ओभरमा १ विकेट गुमाएर ४३ रन बनाएको स्थितिमा पानी परेपछि पहिलो पटक खेल रोकिएको थियो ।
पानी पर्न छाडेपछि सुरु भएको खेल ८ ओभरमा पुनः पानी परेपछि रोकियो । ८ ओभरमा हङकङले २ विकेट गुमाएर ६५ रन बनाएको छ ।
नेपालका करण केसीले पहिलो बलमै हङकङका ओपनर मार्टीन कोट्जेको विकेट लिएका थिए । दोस्रो विकेट भने गुलसन झाले लिए ।
नेपाल फ्रेन्डसिप कपको एकमात्रै खेलमा हिजो हङकङसँग ७३ रनले पराजित भएको थियो ।
प्रतिक्रिया