काठमाडौं– नयाँ मन्त्रिपरिषदमा ८ वटा मन्त्रालय पाउने निश्चित भएको नेकपा एमालेले सुरुमै सरकारमा गएका पदम गिरीलाई कुन मन्त्रालय दिने भन्नेबारे अझै टुङ्गो लगाउन सकेको छैन । हालसम्म एमालेले दुई जना मन्त्रीको नाममात्रै फाइनल गरेको छ ।

अहिलेसम्म एमालेले रघुवीर महासेठलाई उपप्रधान एवं भौतिक पूर्वाधारमन्त्री दिने र उनकै नेतृत्वमा सरकारमा जाने निर्णय गरेको भएपनि गिरीले कुन मन्त्रालय पाउने भन्नेबारे निर्णय गर्न सकेको छैन ।

मन्त्री गिरीलाई कुन जिम्मेवारी दिएर सरकारमा पठाउने भन्नेबारे अझै निश्चित नभइसकेको एमाले उपाध्यक्ष ईश्वर पोखरेलले खबरहबलाई जानकारी दिए ।

हाल एमाले नेताहरु आन्तरिक छलफलमा छन् । छलफलपछि बल्ल नयाँ मन्त्रीहरु र उनीहरुको जिम्मेवारी फाइनल हुने पोखरेलले बताए ।