काठमाडौं– नेपाली कांग्रेसका सभापति शेरबहादुर देउवाले नेकपा (एकीकृत समाजवादी)का अध्यक्ष माधवकुमार नेपाललाई सँगै मिलेर जान आग्रह गरेका छन् ।

सभापति देउवाले नेपाललाई प्रधानमन्त्री मान्न तयार भएको बताएका छन् ।

रमेश लेखकसँग माधव नेपाल निवास पुगेका देउवाले प्रचण्डले धोका दिएको भएर मिलेर जान अनुरोध गरेका हुन् ।

देउवा स्रोतका अनुसार रास्वपालाई पनि मिलाएर जान देउवाले माधवलाई भनेका हुन् ।

देउवाले भनेका छन्, ‘मंसिर ४ भन्दा अगाडिबाट हामीसँगै थियौँ । प्रचण्डले बारम्बार धोका दिए अब मिलेर जाउ ।’  जवाफमा नेपालले अहिले पार्टी सचिवालय बैठक राखेर के गर्ने नगर्ने छलफल गर्ने बताएको स्रोतको भनाइ छ ।

कांग्रेस, नेकपा एकीकृत समाजवादी,रास्वपा र साना दल मिले अंकगाणित पनि पुग्ने आंकलन गरेर देउवाले यस्तो भनेको नेपाल स्रोतको भनाइ छ ।

डेढ घण्टाबाट नेपाल, देउवा र लेखक बसेर कुराकानी गरिरहेका छन् ।

यसैबीच कांग्रेसका ८८, रास्वापाका २१, र नेकपा एकीकृत समाजवादीका १० संसद् छन् ।

यस्तै मंगलबार नेपाललाई राप्रपा अध्यक्ष राजेन्द्र लिङदेनले पनि भेटेका थिए । उनको पार्टीबाट १४ जना सांसद प्रतिनिधि सभामा छन् ।