काठमाडौं– नेत्रबिक्रम चन्द (विप्लव) नेतृत्वको नेपाल कम्युनिस्ट पार्टीका ३ जना नेता काठमाडौंबाट पक्राउ परेका छन् ।

महानगरीय अपराध महाशाखाको टोलीले काठमाडौंको गौशाला क्षेत्रबाट ३ जनालाई पक्राउ गरेको हो ।

पक्राउ पर्नेमा डम्बरबहादुर विक, मकरध्जव गुरुङ र उमा गुरुङ छन् । पक्राउ परेका डम्बरध्जव विक विप्लव नेकपाका केन्द्रीय सदस्य हुन् । यद्यपि केही दिन अगाडि मात्रै उनलाई केन्द्रीय सदस्यबाट हटाइएको विप्लव नेकपा निकट स्रोतले जनाएको छ ।

यस्तै मकरध्वज गुरुङ वैकल्पिक केन्द्रीय सदस्य हुन् भने उमा गुरुङ पनि ‘केन्द्रीय विभाग’मा कार्यरत नेता हुन् ।

सरकारले गत फागुनमा विप्लव नेतृत्वको नेकपालाई प्रतिबन्ध लगाएपछि प्रहरीले अहिले उक्त ‘समूह’विरुद्ध सर्च एण्ड अरेस्ट अभियान चलाएको छ ।

प्रहरीको सर्च एण्ड अरेस्ट अभियानअन्तर्गत अहिलेसम्म ६ सयको हाराहारीमा विप्लव नेतृत्वको नेकपाका कार्यकर्ताहरु पक्राउ परिसकेका छन् ।