काठमाडौं– महानगरपालिकाका नगर प्रहरीले कुटपिट गरेको भन्दै फुटपाथ व्यापारीहरूले काठमाडौंको सुन्धरामा प्रदर्शन गरेका छन् ।
राती आठ बजेपछि सुन्धारा क्षेत्रमा व्यापार गर्दा नगर प्रहरीले निर्घात कुटपिट गरेको भन्दै फुटपाथ व्यापारीहरूले प्रदर्शन गरेका हुन् ।
उनीहरूले महानगरको ज्यादती कहिलेसम्म, साङ्घातिक आक्रमण बन्द गर लगायतका प्लेकार्ड प्रदर्शन गरेका थिए । यसअघि बुधबार साँझ सुन्धारा क्षेत्रमा सडक व्यापार गर्ने विषयमा काठमाडौँ नगर प्रहरी र फुटपाथ व्यापारीबीच झडप भएको थियो ।
महानगरले भने आफूहरूमाथि फुटपाथ व्यापारीले आक्रमण गरेपछि झडपको स्थिति सिर्जना भएको दावी गरेको छ ।
प्रतिक्रिया