काठमाडौं– चिकित्सा शिक्षा आयोगको उपाध्यक्ष पदमा उमेद्वारी दिएका ९ लाई अन्तरवार्ताका लागि बोलाइएको छ । आयोगको उपाध्यक्षका लागि नाम सिफारिस गर्न गठित सिफारिस समितिले उमेद्वारी दिएका ११ जनामध्ये ९ जनालाई प्रस्तुतीकरण र अन्तरवार्ताका लागि बोलाएको हो ।

समितिले साउन २६ र २७ गते प्रस्तुतीकरण र अन्तरवार्ताका लागि लोक सेवा आयोगको कार्यलय अनामनगरमा बोलाएको हो । समितिले साउन १ गते प्रकाशित गरेको सूचनाको आधारमा आयोगको उपाध्यक्षको पदमा प्राडा पारश कुमार पोखरेल, प्राडा निलमणी उपाध्याय, प्राडा तरुण पौडेल, प्राडा यहुनचन्द्र सिवाकोटी प्राडा रमेशप्रसाद सिंह, प्राडा राजेन्द्रप्रसाद साह, प्राडा सुरेन्द्र शेरचन, प्राडा शम्भु कुमार पहारी, प्राडा श्रीकृष्ठ गिरी,प्राडा प्रमोद कुमार सर्राफ, र प्राडा जे.एन पाण्डेय हिमालीले आवेदन दिएका थिए ।

समितिले प्राडा सर्राफ र हिमालीको सूचना अनुसार चिकित्सा शिक्षा आयोगको उपाध्यक्षका लागि योग्य नभएको भन्दै आवदेन दद्द गरेको छ ।समितले आयोगको उपाध्याक्षका लागि आवेदन दिएका ६ जनाको दरखास्त रद्द गरेको थियो ।

चिकित्सा शिक्षा आयोगको उपाध्यक्षका लागि नाम सिफारिस गर्न गठित सिफारिस समितिले असार ९ गते प्रकाशित गरेको सुचनाको आधारमा दरखास्त दिएका ६ जनाको दरखास्त रद्ध गर्दै सरकारले पुनः दरखास्त आह्वान गरेको थियो ।