काठमाडौं– शुक्रराज ट्रपिकल तथा सरुवा रोग अस्पताललाई वस्ती क्षेत्रभन्दा बाहिर सार्न प्रस्ताव गरिएको छ ।
स्वास्थ्य तथा जनसंख्या मन्त्रालयमा भएको बैठकमा सरुवा रोगसम्बन्धी अस्पताल टेकुको बस्तीकै बीचमा रहेकाले बस्ती बाहिर सार्न प्रस्ताव गरिएको हो ।
मानव बस्तीको बीचमा सरुवा रोग अस्पताल हुँदा कुनै समय जटिल किसिमको सरुवा रोगको महामारी फैलिएको अवस्थामा टेकु अस्पतालमा उपचार गराउने क्रममा त्यहाँका स्थानीयमा समेत रोग सर्ने खतरा रहेको भन्दै अस्पताललाई बस्ती नभएको क्षेत्रमा सार्नुपर्ने आवश्यकता रहेको चिकित्सकहरुले बताउँदै आएका छन् ।
प्रतिक्रिया