दोलखा– राष्ट्रिय प्राकृतिक स्रोत तथा वित्तीय आयोगले गरेको कार्यसम्पादन मूल्यांकनमा दोलखाको जिरी नगरपालिका र वैतेश्वर गाउँपालिका जिल्लाकै उत्कृष्ट कार्यसम्पादन मुल्यांकन गर्ने स्थानीय तह बनेका छन् ।

दुई नगरपालिका र सात गाउँपालिका रहेको दोलखामा भिमेश्वर नगरपालिकालाई करिब पाँच प्रतिशत अंकले जिरी पहिलो बनेको छभने,सात गाउँपालिका मध्ये ३६ दशमलव ३६ अंक प्राप्त गर्दै वैतेश्वर गाउँपालिका पहिलो बनेको हो ।

आयोगले गत आर्थिक वर्ष २०७९/०८० मा गरेको कार्यसम्पादन मूल्यांकनमा जिरी नगरपालिकाले सबैभन्दा बढी ४२.८० प्रतिशत अंक पाएर उत्कृष्ट बनेको हो ।

यस्तै, दोस्रोमा जिल्लाको भीमेश्वर नगरपालिकाले ३८.९४ प्रतिशत अंक पाएको छ भने तेस्रोमा बैतेश्वर गाउँपालिकाले ३६.३६ प्रतिशत अंक प्राप्त गरेको छ । आयोगले गरेको कार्यसम्पादन मूल्यांकनमा शैलुङ गाउँपालिकाले ३३.१७ प्रतिशत, तामाकोशी गाउँपालिकाले ३२.९३ प्रतिशत, गौरीशंकर गाउँपालिकाले २८.८१ प्रतिशत अंक पाएको छ ।  भने,मेलुङ गाउँपालिकाले २६.६० प्रतिशत र बिगु गाउँपालिकाले सबैभन्दा कम २५.९९ प्रतिशत अंक पाएको छ ।

आयोगले प्रदेश तथा स्थानीय तहको कार्यसम्पादन मुल्यांकन कार्यविधि २०७८ को दफा ७ को अधीनमा रही आयोगले प्रदेश तथा स्थानीय तहको लागि निर्धारण गरिएका कार्यसम्पादन सूचकको मुल्यांकन गरी अंक प्रदान गरेको जनाएको छ ।