काठमाडौं– जिल्ला अदालतको फैसलाविरुद्ध सन्दीप लामिछाने उच्च अदालत पाटन पुगेका छन्।

 बलात्कार मुद्दामा ८ वर्ष कैदको फैसला बदरको माग गर्दै लामिछानेले उच्च अदालतमा पुनरावेदन गरेका हुन् । 

जिल्ला अदालत काठमाडौंले दोषी ठहर गर्दै ८ वर्ष कैद, ३ लाख रुपैयाँ जरिवाना र २ लाख रुपैयाँ क्षतिपूर्ति तिराउने फैसला भएको छ। उक्त फैसला बदर गरी सफाइको माग गर्दै उच्च अदालतमा सन्दीपले निवेदन दिएको स्रोतले बतायो ।

जिल्ला अदालतले सन्दीपलाई दोषी ठहर गर्दा पीडितको आर्थिक अवस्थाको फाइदा उठाएर अनुचित प्रभावमा पारेर जबर्जस्ती करणी गरेको आधार देखाएको थियो।

तर सन्दीपले उच्च अदालतमा गरेको निवेदनमा जिल्ला अदालतले भने जस्तो सन्दीपले प्रभावमा नपारेको र जिल्ला अदालतले भनेजस्तो आधार नभएकाले फैसला बदर गर्न माग गरिएको छ।