काठमाडौँ– नेकपा माओवादी केन्द्रसहित चार दल सम्मिलित समाजवादी मोर्चाले मोर्चाको संयोजकमा नेकपाका महासचिव नेत्रविक्रम चन्द विप्लवलाई तोकेको छ ।
आज बालुवाटारस्थित प्रधानमन्त्रीको सरकारी निवासमा बसेको मोर्चाको बैठकले विप्लवलाई संयोजक तोकेको हो ।
आलोपालो नेतृत्व गर्ने प्रावधानअनुसार अबको नेतृत्व चन्दले गर्ने छन्। यसअघि मोर्चाको संयोजक एकीकृत समाजवादीका अध्यक्ष माधवकुमार नेपाल थिए।
समाजवादी मोर्चामा तीन–तीन महिनामा चक्रीय प्रणालीअनुसार नेतृत्व परिवर्तन गर्ने सहमति छ ।
बैठकमा समसामयिक, राजनीतिक परिस्थिति तथा समाजवादी मोर्चालाई जिल्लास्तरमा विस्तार गर्ने विषयमा पनि छलफल भएको जनाइएको छ ।
प्रतिक्रिया