काठमाडौँ– स्पेनिस ला लिगा फुटबलमा भिल्लारियल र गेटाफेले बराबरी खेलेका छन् । गएराति भएको खेलमा दुवै टोलीले एक–एक गोलको बराबरी खेल्दै अंक बाँडेका छन् ।

भिल्लारियलका लागि अल्बर्टो मोरेनो र गेटाफेका नेमान्जा म्याक्सिमोभिकले एक–एक गोल गरेका थिए ।

खेलमा गेटाफेका म्याक्सिमोभिकले खेलको २४औँ मिनेटमा सुरुवाती गोल गरे पनि भिल्लारियलसँग भिल्लारियलको गोल छेक्न नसक्दा अंक बाँड्न बाध्य भयो ।

भिल्लारियलका अल्बर्टोले खेलको ५६औँ मिनेटमा टोलीका लागि गोल गरेका थिए । जुन गोल गेटाफेसँग बराबरीका लागि निर्णायक बनेको थियो ।

यो बराबरीसँगै भिल्लारियल २५ खेलबाट २६ अंकका साथ तालिकाको १३औँ स्थानमा छ । यस्तै १०औँ स्थानमा रहेको गेटाफेको ३४ अंक छ ।