काठमाडौं– ‘सैनिक कानून, सेनापतिले मात्र जानून’ शीर्षकमा आजको नयाँ पत्रिकाले मुख्य समाचार छापेको छ । चार जना प्रधानसेनापतिले आफ्नो कार्यकालमा गरेका गतिविधिहरु उल्लेख गर्दै प्रधानसेनापति पूर्णचन्द थापाले खाली भएको रथी पद १५ दिनभित्र पूर्ति गर्नुपर्नेमा चार महिनासम्म अवरुद्ध गरेको उल्लेख गरेको छ । त्यस्तै अर्का पूर्वसेनापति राजेन्द्र क्षेत्रीले एसएलसीको आफ्नै प्रमाणपत्र केरमेट गरेपछि छानविन नभएको उल्लेख गरेको छ ।

त्यसैगरी पूर्वसेनापति गौरवशमशेर जबराले फास्ट ट्रयाक नाममा निकटस्थलाई बढुवा, अदालतको अवज्ञा गरेको उल्लेख गरेको छ भने पूर्वसेनापति रुकमांगद कटवालले हुकुम प्रमांगीका आधारमा उमेर घटाउँदा पनि गणतान्त्रिक अदालत मौन रहेको जनाएको छ ।

त्यसैगरी पत्रिकाले घुस प्रकरणमा मुछिएपछि शुक्रबार राजीनामा दिएका अख्तियार दुरुपयोग अनुसन्धान आयोगका पूर्वआयुक्त  राजनारायण पाठकमाथीको कारबाही गर्न अख्तियार अलमलम शीर्षकमा समाचार छापेको छ । सरकारले उनीमाथि छानविन गर्न चासो दिएको छै, उनलाई ११ वर्षसम्म कैद हुनसक्ने जनाइएको छ ।

त्यस्तै पत्रिकाले सरकारमाथि कांग्रसले लगाएको विभिन्न आरोपहरुको समाचार छाप्दै सरकार थर्ड जिभिजनमा पनि पास हुन नसकेको शीर्षकमा अर्को समाचार छापेको छ । पत्रिकाले एकीकरणको अन्तिम गृहकार्यमा ओली–प्रचण्ड शीर्षकमा अर्को समाचार छापेको छ । प्रदेश १,२ र ३ का जिल्लाको पदा बाँडफाँडको सूची तयार भएको उल्लेख छ ।

त्यसैगरी पत्रिकाले पहिलो पृष्ठमै मेलम्ची सक्न नयाँ टेण्डर मागिँदै शीर्षकमा अर्को समाचार छापेको छ । विशेष अवस्था भन्दै एकभन्दा बढी कम्पनीसँग सम्झौता गर्ने तयारी छ ।

त्यसैगरी पत्रिकाले ‘वाइडबडी, वाइड लाइज’ शीर्षकमा सम्पादकीय लेखेको छ । मुठीमा बालुवा समोतर अड्याइरहनु, भालुको कन्पट समातेर सुरक्षित अनुभूति गरिहनु र सार्वजनिक भइसकेको कुनै काण्डलाई निष्कर्षमा नपु¥याई रोकिरहनु जीवनमा आइपर्ने मुस्किलहरु हुन् ।

यतिबेला एउटा प्रमाणित भइनसकेको तर सार्वजनिक रुपमा आरोप लगाइवरी संसदले छाप लगाएको वाइडवडी काण्ड नेपाल सरकार र यहाँको राजनीतिक वेृत्तका लागि त्यस्तै भालुको कन्पट भएको उल्लेख गरेको छ ।