काठमाडौं । संघीय संसदअन्तर्गतको अन्तर्राष्ट्रिय सम्बन्ध तथा पर्यटन संसदीय टोली अध्ययन भ्रमणका लागि भारतको नयाँ दिल्ली पुगेको छ ।
समिति सभापति राजकिशोर यादवको नेतृत्वमा ११ सदस्यीय टोली मंगलबार राष्ट्रिय ध्वजावाहक नेपाल एयरलाइन्सको उडानबाट नयाँदिल्ली पुगेको हो । दिल्लीमा भारतका चीफ ऑफ प्रोटोकॉल र भारतीय संसदका सहसचिवले नेपाली टोलीलाई स्वागत गरेका थिए ।
भारतीय संसद्को अन्तर्राष्ट्रिय समितिको निमन्त्रणामा नयाँ दिल्ली पुगेको टोलीले ६ फेब्रुअरीसम्म भारतको संसदीय व्यवस्थाबारे अध्ययन गर्ने छ ।
संसदीय टोलीले भारतीय नयाँ संसद् भवनको निरीक्षणका साथै त्यहाँका सभामुख, विदेशमन्त्री र पर्यटनमन्त्रीसँग भेट्ने कार्यक्रम तय भएको बताइएको छ ।
टाेलीमा यादवसहित सुनीता बराल, छिरिङबहादुर ल्हामु लामा तामाङ, सम्झना थपलिया, योगेश गौचन, हरि उप्रेती, शिशिर खनाल र गंगाराम चौधरी रहेका छन् ।
प्रतिक्रिया