भद्रपुर– झापाको चन्द्रगढी विमानस्थलमा १ जना व्यक्ति थ्रीनट ग्री राइफलमा लाग्ने १ राउण्ड गोलीसहित पक्राउ परेका छन् ।
पक्राउ पर्नेमा इलामको सूर्योदय नगरपालिका–४ का ३८ वर्षीय सुरेश राई छन् ।
प्रहरीका अनुसार राई सौर्य एयरलाइन्सको विमानमार्फत झापाबाट काठमाडौं जान लागेका थिए ।
विमानस्थलको सुरक्षार्थ खटिएका सुरक्षाकर्मीले एक्सरे मेसिनमार्फत जाँच गर्दा उनको लगेजमा गोलीजस्तो देखिने वस्तु फेला पारेका थिए ।
झोला खोलेर हेर्दा उनको लगेजबाट थ्रीनट थ्री राइफलमा लाग्ने १ राउण्ड गोली फेला परेको प्रहरीले जनाएको छ ।
प्रहरीले राईलाई नियन्त्रणमा लिएर थप अनुसन्धान गरिरहेको छ ।
प्रतिक्रिया