काठमाडौँ– संविधानसभा निर्वाचन अन्तर्गत कोशी प्रदेशमा भइरहेको मतदान अन्तिम चरणमा पुगेको छ ।

बिहान ९ बजेबाट सुरु भएको मतदानमा अहिलेसम्म प्रदेशसभाका ९१ र स्थानीय तहतर्फका २६२ जनाले मतदान गरिसकेका छन् ।

अब प्रदेशसभाका २ र स्थानीय तहतर्फका १२ गरी १४ जनाले मतदान गर्न बाँकी छ । जसमा धरान उपमहानगरपालिकाका प्रमुख हर्क साम्पाङ अहिलेसम्म अनुपस्थित छन् ।

कोशी प्रदेशमा सत्ता गठबन्धनबाट अन्यतर्फ कांग्रेसका कृष्णप्रसाद सिटौला र महिलातर्फ माओवादीकी चम्पा कार्की उम्मेदवार छन् ।

यस्तै, सिटौलाविरुद्ध राप्रपाका उद्धव पौडेल र कार्कीसँग एमालेकी रुक्मिणी कोइराला चुनावी प्रतिस्पर्धामा छन् । कोशीमा एमाले र राप्रपाले तालमेल गरेका छन् ।