काठमाडौं– वैदेशिक रोजगार विभागले ५ सय १६ वटा म्यानपावर कम्पनीविरुद्ध परेका उजुरी तामेलीमा राखेको छ ।

म्यानपावर कम्पनीमार्फत वैदेशिक रोजगारीमा गएका कामदारले करार वमोजिम काम नपाएको, विदेशमा अलपत्र परेको लगायतका कारणसहित विभागमा उजुरी दर्ता गरेका थिए ।

निवेदकहरुमध्ये लामो समयसम्म पनि सम्पर्क नभएका उजुरीलाई तामेलीमा राखिएको विभागले जनाएको छ । २०६१ सालदेखि २०७२ सालसम्मका उजुरी अधिकांश तामेलीमा राखिएको विभागले जानकारी दिएको छ । विभागले उजुरीकर्ता प्रमाणसहित विभाग आए छानविन गरी क्षतिपूर्ति दिलाइने जनाएको छ ।

विभागमा उजुरी दिएर कामदार रोजगारीका लागि विदेश जाने अथवा उजुरी गरेपछि विभागमा फेरि नआएका धेरै उजुरी तामेलीमा राखिएको हो । गत आर्थिक म्यानपावर कम्पनीविरुद्ध १ हजार २ सय ६३ उजुरी परेका थिए । जसमा पीडितले संस्थागत २९ करोड ६३ लाख २० हजार ४ सय ३४ माग विगो दावी गरेका थिए ।