काठमाडौं । आईसीसी यू–१९ क्रिकेट विश्वकपमा पाकिस्तानले विजयी सुरुवात गरेको छ । शनिबार भएको समूह ‘डी’ अन्तरगतको खेलमा पाकिस्तानले अफगानिस्तानलाई १८१ रनको फराकिलो अन्तरले पराजित गरेको हो ।

२८५ रनको लक्ष्य पछ्याएको अफगानिस्तान २६.२ ओभरमा १०३ रनमा अल आउट भयो । उस्का लागि नौमान शाह २६, शोहेल खान र रहिमुल्लाह जुरमाती समान समान २० रन बनाए । अन्य ब्याटरको प्रर्दशन उल्लेखनीय रहेन् । पाकिस्तानका लागि अहमेद हुसेनले ४ तथा मोहम्मद जेसनले ३ विकेट लिए।

त्यसअघि टस जितेर ब्याटिङ गरेको पाकिस्तानले निर्धारित ५० ओभरमा ९ विकेट गुमाउँदै २८४ रन बनाएको थियो । पाकिस्तानका लागि ओपनर सहजाइब खानले सतक प्रहार गरे । उनले १२६ बल खेल्दै १० चौका र ३ छक्काको मदतमा १०६ रन बनाए । त्यस्तै मासाद बेगले ५०, राइज उल्लाले ४६ रन, उबाइद साहले २२ बनाए । अफगानिस्तानका खाली अहमेदले ४ विकेट लिएका थिए ।