काठमाडौँ — निर्वाचन आयोगले प्रतिनिधिसभा, प्रदेशसभा र स्थानीय तहका रिक्त स्थानमा उपनिर्वाचन बारे छलफल गर्न सर्वदलीय बैठक बोलाएको छ ।
आयोगले बिहीवार साढे ११ बजे कार्यालयमा छलफलका लागि १८ दललाई बोलाएको छ ।
निर्वाचनको प्रकिया र मिति तोक्ने विषयमा दलहरुलाई छलफलका लागि बोलाइएको आयोगका प्रवक्ता शंकरप्रसाद खरेलले बताए ।
आयोगसँगको परामर्शमा सरकारले उपनिर्वाचनको मिति घोषणा गर्ने कानूनी व्यवस्था अनुसार आयोगले छलफल सुरु गरेको हो ।
प्रदेशसभा सदस्य देखि वडा सदस्य सम्म गरी २८ भन्दा धेरै जनप्रतिनिधिमूलक निकाय खाली छन् ।
त्यस्ता पदहरु मृत्यु, राजीनामा जस्ता कारणले रिक्त भएको बताइएको छ ।
प्रतिक्रिया