काठमाडौं– काठमाडौंको चन्द्रागिरी नगरपालिका–२ नागढुङ्गाबाट १ किलो सुनसहित १ जना व्यक्ति पक्राउ परेका छन् ।
बा ९९ प २७२६ पल्सर मोटरसाइकलमा सवार एक युवाको साथबाट १ किलो सुन बरामद भएको प्रहरीले जनाएको छ ।
विशेष सूचनाको आधारमा महानगरीय प्रहरी बृत्त थानकोट र प्रभाग नागढुङ्गाबाट खटिएको टोलीले रसुवाको गोसाइँकुण्ड गाउँपालिका–५ घर भएका ३२ वर्षी पेम्वा दिण्डुप तामाङलाई पक्राउ गरेको हो ।
उनले १ किलो सुनको विस्कुटलाई ४ टुक्रामा पारेर कालो टेपले बेरी कम्मरमा बाँधेर ल्याएका थिए ।
महानगरीय प्रहरी परिसर काठमाडौंका प्रवक्ता डिएसपी होविन्द्र बोगटीका अनुसार पक्राउ परेका तामाङमाथि थप अनुसन्धान भइरहेको छ ।
प्रतिक्रिया