लेबनान– इरान समर्थित अतिवादी समुह हिजबुल्लाहले इजरायली सैनिक मारेको दाबी गरेको छ ।

हिजबुल्लाहले दिएको जानकारी अनुसार इजरायली शहर मेतुला नजिक इजरायली सैनिक मारिएका हुन् ।

लेबनानी सशस्त्र समूह हिजबुल्लाहले रुवाइसात अल असी साइटमा कोर्नेट मिसाइलले इजरायली ट्याङ्कीलाई निशाना बनाएर नष्ट गरेको दाबी गरेको छ।

समूहले आफ्ना लडाकुहरूले उत्तरी इजरायली सहर मेतुला वरपर इजरायली सैनिकहरूलाई मारेको र घाइते बनाएको पनि बताएको छ ।

इजरायली मिडियाका अनुसार मेतुलाको एउटा घर लेबनानबाट प्रहार गरिएको एन्टिट्याङ्क मिसाइलले प्रहार भएको जनाएको थियो । तर, हिजबुल्लाहको दाबी अनुसार इजरायली सैनिक मारिएको हो कि होइन भन्ने स्वतन्त्र पुष्टि हुन सकेको छैन ।

पछिल्लो समयमा लेबनानको सीमाबाट इजरायलमाथि हिजबुल्लाहले निरन्तर हमला गरिरहेको छ । उसले इजरायल समर्थित र उनीहरूको लगानी भएको पानीजहाज र कार्गोमा पनि निरन्तर हमला गरिरहेको छ।