काठमाडौं – इंग्ल्याण्डले अस्ट्रेलियासँगको वर्ल्ड टेस्ट च्याम्पियनसिप अन्तरगर्तको पहिलो टेस्टका लागि ११ खेलाडीको नाम सार्वजनिक गरेको छ ।

बुधबार सार्वजनिक इंग्ल्याण्डकाे प्लेइङ ११ मा एकदिवसीय विश्वकप क्रिकेटमा शनसनी मच्चाएका युवा बलर जार्फा आर्चरले स्थान पाएका छैनन् । यद्यपि आर्चर वैकल्पिक खेलाडीको सूचीमा भने परेका छन् ।

कप्तान जोय रुटले आर्चरको स्थानमा तीव्र गतिका बलर क्रिस वोक्सलाई छानेका छन् । पहिलो टेस्टमा आर्चरसहित साम कुरान र ओली स्टोनले मौका पाएनन् ।

बार्बाडोसका तीव्र गतिका बलर आर्चरलाई इंग्ल्याण्डले विश्वकप अघि आफ्नो नियम संशोधन गर्दै इंग्ल्याण्डको टिममा समावेश गराएको थियो । उनले इंग्ल्याण्डलाई विश्वकप जिताउन निकै ठूलो भूमिका खेलेका थिए । पाँच खेलको सिरिज भोलि (बिहीबार) देखि शुरु हुँदै छ ।

इंग्ल्याण्डको प्लेइङ ११

जोय रुट (कप्तान), मोइन अली, जेम्स एन्डरसन, जोनी बैरस्ट्रोव, स्टुअर्ट बोर्ड, रोरी बर्न्स, जोस बटलर, जोय डेनली, जासन रोय, बेन स्टोक, क्रिस वोक्स