काठमाडौँ– एफए कप फुटबलमा लन्डन क्लब चेल्सीले सानदार जित निल्दै चौथो चरणमा प्रवेश गरेको छ ।

गएराति भएको तेस्रो चरणको खेलमा च्याम्पियनसिप क्लब प्रिस्टनमाथि ४–० को फराकिलो जित निकाल्दै चेल्सी चौथो चरणमा प्रवेश गरेको हो ।

चेल्सीका लागि अर्मान्डो ब्रोजा, थियागो सिल्भा, रहिम स्टर्लिङ र एन्जो फर्नान्डेसले एक–एक गोल गरेका थिए । पहिलो हाफ गोलरहित बराबरीमा सकिएको खेलमा सबै गोल दोस्रो हाफमा भएका हुन् ।

खेलको ५८औँ मिनेटमा ब्रोजाले गोल गर्दै चेल्सीलाई सुरुवाती अग्रता दिलाएका थिए । यस्तै सिल्भाले ६६औँ मिनेट, रहिमले ६९औँ तथा एन्जोले ८५औँ मिनेटमा गोल गर्दै टोलीलाई ४–० गोलको जित दिलाए ।

एफए कप अन्तर्गत ब्ल्याकबर्न, सेफिल्ड युनाइटेड, प्लेमाउथ, बर्नमाउथ, साउथह्याम्टन, ब्राइटन, वाटफोर्ड, एस्टन भिल्ला, सेफ वेनस्डे, स्वान्सी सिटी र न्युक्यासल युनाइटेडले सफलता हात पार्दै चौथो चरणमा पुगिसकेका छन् ।

यो पनि…
एफए कप : न्युक्यासल युनाइटेड चौथो चरणमा प्रवेश