काठमाडौं – अन्तर्राष्ट्रिय फुटबल महासंघ (फिफा) ले वर्ष पुरुष उत्कृष्ट प्रशिक्षकको मनोनयन सार्वजनिक गरेको छ । जसमा पूर्व विजेता प्रशिक्षक फ्रान्सका डिडियर डेस्च्याम्पसहित अल्जेरियाका जमेल बेलमाडीसम्म अटाएका छन् ।

फिफाले बुधबार सार्वजनिक गरेको मनोनयनमा अल्जेरियाका जमेल बेलमाडी, फ्रान्सका डिडियर देसच्याम्प, मार्सेलो गेलार्दो, रिकार्डो गेरेसो, पेप गोर्डियालो छन् ।

यस्तै, योर्गन क्लोप, माउरिसियो पोचेटिन्हो, फर्नान्डो सान्तोस, इरिक टेन हग र टिटे रहेका छन् । देसच्याम्पले अघिल्लो वर्षको उत्कृष्ट प्रशिक्षकको अवार्ड पाएका थिए ।

१० जनामध्ये ३ जना अर्जेन्टाइन् प्रशिक्षकले स्थान बनाएका छन् । जसमा मार्सेलो गेलार्दो, रिकार्डो गेरेसो र माउरिसियो पोचेटिन्हो अर्जेन्टिनी नागरिक हुन् ।

फिफाले सन् २०१८ जुलाई १६ देखि २०१९ जुलाई १९ सम्ममा टिमलाई दिलाएको सफलताका आधारमा उत्कृष्ट प्रशिक्षक छानेको हो ।