काठमाडौँ– नेपाली कांग्रेसका सभापति शेरबहादुर देउवाले लोकतन्त्रको विकल्प लोकतन्त्र बाहेक केही हुन नसक्ने बताएका छन् । 

राष्ट्रिय एकता तथा मेलमिलाप दिवसको  अवसरमा कांग्रेस सोमबार काठमाडौंमा आयोजना गरेको कार्यक्रममा सभापति देउवाले लोकतन्त्र, गणतन्त्रको विरुद्ध आवाज उठाउने प्रयास भइरहेको भन्दै लोकतन्त्रको विकल्प लोकतन्त्र बाहेक केही हुन नसक्ने बताएका हुन् ।

उनले अहिले एकतावद्ध भएर लोकतन्त्रलाई बलियो बनाउनुपर्ने धारणा राखे । बिपीले ल्याएको मेलमिलाप र एकताको नीतिको आवश्यकता अझै बढेको उनले बताए । 

नेपालमा पार्टीहरूबीच पार्टीगत वैचारिक मतभेद भएपनि सबै पार्टीहरू एक ठाउँमा संस्कार अन्य देशमा भन्दा अलग गरेको धारणा राखे  ।