काठमाडौँ– साउदी प्रो लिग अन्तर्गत अल नासरले अल तावौनलाई फराकिलो अन्तरले हराएको छ । गएराती सम्पन्न खेलमा अल नासरले अल तावौनलाई ४–१ गोल अन्तरले पराजित गरेको हो ।

१–० गोलले पछि परेको अल नासरले खेलमा कमब्याक गर्दै फराकिलो जित हासिल गरेको थियो ।

अल नासरको जितमा मार्सेलो ब्रोजोभिक आइमेरिक लापोर्टे, ओटाभियो र क्रिस्टियानो रोनाल्डोले एक–एक गोल गरेका थिए । रोनाल्डोको यो गोलसँगै उनले सन् २०२३ मा ५४ गोल गर्दै सर्वाधिक गोल गर्ने खेलाडी बनेका छन् ।

त्यस्तै अल तावौनका लागि खेलको १३औँ मिनेटमा आसरफ एल माहडीओउइले गो गर्दै सुरुवाती अग्रता दिलाएका थिए ।

यो जितपछि अल नासर १९ खेलबाट ४६ अंकका साथ लिग तालिकाको दोस्रो स्थानमा रहेको छ । शीर्षस्थानमा रहेका अल नासरको ५३ अंक छ । ३४ अंक रहेको अल तावौन चौथो स्थानमा छ ।