नयाँ दिल्ली- भारतीय सौर्य प्यानल उत्पादनकर्ता कम्पनी वारी इनर्जीले अमेरिकाको टेक्सासमा १ अर्ब डलर लगानी गर्ने भएको छ । अमेरिकामा हरित ऊर्जाको माग बढिरहेको भन्दै वारी इनर्जीले टेक्सासमा लडानी गर्न लागेको हो ।

अमेरिकी राष्ट्रपति जो बाइडेनले अमेरिकामा हरित ऊर्जा प्रवद्र्धन गर्ने उद्देश्यले सोलर उत्पादन गर्ने कम्पनीलाई अनुदान र करमा छुट दिने घोषणा गरेसँगै वारीले लगानी गर्न लागेको हो ।

वारीको लगानीमा स्थापित कारखानाले १५ सय जनालाई रोजगारी प्रदान गर्ने अपेक्षा गरिएको छ । सन् २०२४ सम्म यस कारखानाले ५ गिगावाटसम्म ऊर्जा उत्पादन गर्ने र सन् २०२७ सम्म कारखाना अमेरिकाकै सबैभन्दा ठूलो सोलर उत्पादनकर्ता हुने वारीले जनाएको छ ।