काठमाडौं– क्रान्तिकारी कम्युनिस्ट पार्टीले १३१ औं माओ दिवसका अवसरमा लाल मार्चपास गरेको छ । मंगलबार काठमाडौंको खुला मञ्चबाट क्रान्तिकारी युवा संगठन नेपालको नेतृत्वमा मार्चपास गरिएको हो ।

क्रान्तिकारी युवा संगठन नेपालको आयोजनामा गरिएको लाल मार्चपास शान्तिबाटिकामा कोणसभामा परिणत भएको थियो । कोणसभालाई सम्बोधन गर्दै क्रान्तिकारी कम्युनिस्ट पार्टीका महासचिव मोहन वैद्य किरणले अहिलेको सत्ता र व्यवस्थाबाट जनताका समस्या समाधान हुन नसक्ने बताए । उनले  वर्तमान राज्य सत्ता र संसदीय व्यवस्थाको अन्त्यका लागि संघर्ष गर्ने घोषणा गरे  । उनले शासन सत्ता फेरिएको भए पनि शोषण, उत्पीडनका रूपहरू पुरानै रहेको बताए  ।

अध्यक्ष वैद्यले कम्युनिस्टहरू अहिले कांग्रेसीहरुको संसदीय व्यवस्थाको भाग खोसेर संसदीय व्यवस्था हाम्रो हो भनेर लागेको भन्दै राष्ट्रियता जनतन्त्र र जनजीविकाका समस्याहरू विकराल बनेर गएको उल्लेख गरे ।