काठमाडौं– अस्ट्रेलियाको बिग बास लिग (बीबीएल) को फाइनल खेलमा मेलबर्न स्टार्सबाट खेलीरहेका नेपाली लेगस्पिनर सन्दीप लामिछानेले मेलबर्न रेनेगेड्सविरुद्ध कसिलो बलिङ गरेका छन् ।

डुकल्यान्ड रंगशालामा भएको खेलमा सन्दीप्ले ४ ओभर बलिङ गरेर १६ रन मात्रै खर्चेका छन् । खेलको सातौं ओरभमा बलिङ गर्ने अवसर पाएका सन्दीप्ले आफ्नो पहिलो ओभरमा २ रन मात्रै खर्चे । दोस्रो ओभर पनि कसिलो बलिङ गरेका उनले ५ रन खर्चे भने तेस्रो ओभरमा पनि कसिलो बलिङ गरे । लामिछानेले आफ्नो तेस्रो ओभरमा ३ रनमात्रै खर्चे । बलिङ कसिलो गरेपनि सन्दीप विकेटविहीन रहे ।

त्यस्तै, व्यक्तिगत चौथो ओभरमा पनि सन्दीप्ले विकेट लिने प्रयास गरेपनि विकेट लिन सकेनन् । तर, ६ रन मात्रै खर्चेका थिए । योसँगै सन्दीपको बीबीएलमा ८ खेल खेल्दै १९५ रन खर्चेर ११ विकेट लिएका छन् ।

जारी खेलको ताजा अवस्थामा मेलबर्न रेनेगेड्सले १६ ओभर खेल्दै ५ विकेट गुमाएर १०२ रन बनाएको छ ।