काठमाडौं– काठमाडौं र पोखरामा मंसिर १५–२४ सम्म हुने १३ औं दक्षिण एसियाली खेलकुद (साग) को तयारीमा यतिबेला अधिकाशं खेल जुटिसकेका छन् । धेरै खेलहरु काठमाडौं केन्द्रीत भएर अभ्यासमा व्यस्त रहँदा खो–खो टोली भने बर्दियाको भुरि गाउँमा बन्द प्रशिक्षण गर्ने भएको छ ।

खो–खो टोली बुधबार नै बन्द प्रशिक्षणका लागि बर्दिया जाने राष्ट्रिय खेलकुद परिषद् (राखेप) ले जनाएको छ ।

खो–खो खेलका पुरुषतर्फका ३५ जना र महिला तर्फका ३५ जना खेलाडी सहभागी हुनेछन् ।

७० जना खेलाडीको टोलीलाई ४ प्रशिक्षकले प्रशिक्षण गराउने राखेपले जनाएको छ । अन्तिममा समान १५–१५ पुरुष/महिला खेलाडी सागका लागि छनोट गरिने छ ।

टोलीलाई राष्ट्रिय खेलकुद परिषद्का सदस्य–सचिव रमेशकुमार सिलवालले एक कार्यक्रमबीच मंगलबार बिदाइ गरे ।