वीरगन्ज– आफ्नी कान्छी श्रीमतीमाथि छुरा प्रहार गर्ने एक युवकलाई प्रहरीले पक्राउ गरेको छ ।

पक्राउ पर्नेमा पर्साको वीरगन्ज महानगरपालिका–१० घडिअर्वा बस्ने गिरधारी साहका २४ वर्षीय छोरा रोशन कुमार गुप्ता छन् ।

उनले आफ्नी कान्छी श्रीमती २२ वर्षीया मनु चौधरीलाई घुम्न जाने भन्दै वीरगन्ज महानगरपालिका– १९ भिष्वा डाँडामा बोलाएर घाँटीमा छुरा घोपेका थिए ।

श्रीमानले छुरा प्रहार गरेपछि घाइते भएकी मनुलाई प्रहरीको सहयोगमा उद्दार गरी स्थानीयले उपचारका लागि नारायणी अस्पताल पु¥याएका थिए ।

मनुको अहिले वीरगन्जस्थित नेशनल मेडिकल कलेजमा उपचार भइरहेको प्रहरीले जनाएको छ ।

कान्छी श्रीमतीलाई छुरा घोपेर भाग्दै गरेको अवस्थामा पक्राउ परेका रोशन अहिले प्रहरी हिरासतमा छन् । उनीमाथि थप अनुसन्धान भइरहेको जिल्ला प्रहरी कार्यालय पर्साले जनाएको छ ।