काठमाडौं – तीजको अवसर पारेर ललितपुरको जावलाखेलमा ‘तीज माइती मेला तथा सम्मान २०७६’ कार्यक्रम गरिने भएको छ । ललित ब्युटिसियन बहुउद्येश्य सहकारी संस्था लिमिटेड र ललित फरिया घरको संयुक्त आयोजनामा मेलाको आयोजना हुन  लागेको हो ।

आयोजक संस्थाकी अध्यक्ष मिना कुमारी रिमालका अनुसार कार्यक्रम तीन दिनसम्म चल्नेछ । साउन १६ गतेदेखि १८ गतेसम्म जावलाखेलमा रहेको स्टिल टावर अगाडिको चौरमा कार्यक्रम हुने रिमालले जानकारी गराइन् ।

मेलालाई ललितपुर महानगरपालिकाका मेयर चिरिबाबु महर्जनले उद्घाटन गर्ने कार्यक्रम गर्ने बताइएको छ । यस्तै तीज विशेष कार्यक्रममा ‘आदर्श जोडी सम्मान २०७६’ को सम्मान अभिनेता तथा निर्देशक निश्चल बस्नेत र अभिनेत्री स्वस्तिमा खड्कालाई प्रदान गरिने भएको छ ।

नेपाली चलचित्रको क्षेत्रमा पुर्‍याएको भन्दै यो जोडीलाई सम्मान गर्न लागिएको हो ।

कार्यक्रममा सांगीतिक क्षेत्र, चलचित्र क्षेत्र र विभिन्न क्षेत्रका व्यक्तिहरुको समेत उपस्थिति रहने आयोजकले जनाएको छ ।