मोरङ – प्रधानमन्त्री पुष्पकमल दाहालले काम नगर्ने मन्त्रीहरुलाई फेर्ने बताएका छन ।
आज मोरङको मिक्लाजुङमा माओवादीले आयोजना गरेको आमसभालाई सम्बोधन गर्दै उनले काम नगर्ने मन्त्रीलाई फेरेर भएपनि जनतालाई सेवा दिने गरि परिणाम निकाल्ने बताएका हुन् ।
आफ्नो कार्यकाल १ वर्ष पुगेको अवसरमा पुस १० गते विशेष सम्बोधन गर्ने भन्दै प्रधानमन्त्री दाहालले पुस ११ गतेबाट नयाँ ढंगले जनताका काम गर्ने जनाए ।
कार्यक्रमलाई सम्बोधन गर्दै प्रधानमन्त्री दाहालले लाभाखोला वृहत खानेपानी योजना सम्पन्न गराउने प्रतिबद्धता समेत व्यक्त गरे । उर्लाबारी, मधुमल्ला र दारेगौंडा सडक निर्माणको अधुरो योजनालाई अगाडि बढाउने उनको प्रतिबद्धता छ ।
प्रतिक्रिया